مشكوره أختى أحلى ولاء
فكره حلوه وممتعه
/ متى أول مره بديتي تطبخين؟
من زمان ايام الثانوى
2/ وش أول شي طبختيه؟
ما اذكر بالضبط ولكن يمكن بيض وحلويات خفيفه
3/ ماردة فعل اللي طبختي لهم وكلوا من أكلك لأول مره؟
ما أذكر ولكنه مقبول
4/ ماهو شعورك من خلال أول ردة فعل؟
اكيد تشجيع لو كانوا يمدحون الا سويته
5/ هل مازلتي تطبخين حتى الأن؟
نعم
6/ تحبين المطبخ ولاّ لا ؟
أكثر شي ولكن احيانا على حسب المزاج
7/ موقف طريف مر عليك أثناء الطبخ ؟
موقف الا الحين صار فى بالى من خلال قرائتى للسؤال
مره كنت مسويه بسكوت جوز هند (كأنه بشهر رمضان )وعقب ما طلعته من الفرن حطيته بعلب بلاستك وتركته تحت الفرن ما اقصد مكان الا نشغل الفرن مثل الصندوق هو وما ادري كنت شنو مسويه ودخلته الفرن وشغلت عليه وعقب دقائق شمينا ريحه غريبه وبعدها تذكرت انى تاركه شي تحت وما طلعت العلب الا كلها من فوق مايعه زين تلاحقت عمري هههههههههههه
ومره بعد كنت مع خالتى لما كنت بالثانوى على ما أعتقد كانت مسويه كيكه واول ما شغلت الفرن من تحت ولع بوجهى والحمدلله ما فى أى أضرار ههههههه
وستروا على ما قريتوه
8/ هل تؤيدين دخول زوجك او اخوك او ابوك للمطبخ لمساعدتك او ليطبخ عنك ؟
لا
نادرا انادى خواتى يساعدونى
9/ احسن طبخه تحبينها وتنصحين بقية الاعضاء بتجبربتها؟
مو بس طبخه لو طبختين لا تعد بصراحه
وعن خاطركم بقول ورق عنب:d41:
معجنات
10/نصيحه منك للمبتدئين في المطبخ؟
احتاج لنصائحهم
وأحب أستفيد من خبراتهم وإذا عندى شي افيدهم ما أبخل عليهم
ولكن اقول إذا فشلت عندكم طبخه من اول مره لا تيأسون حاولوا مره مرتين بتضبطونها لأن الواحد ما طلع على وجه الدنيا يعرف يقرأ ويكتب
ضعي لنا احد الطبخات اللي عملتيها لو السلطه " ان امكن ".
طبخاتى متواجده بالقسم
وإذا يتطلب منى الموضوع وصفه إن شاء الله من عيونى
*اختاري ثلاث من الاكلات او المشروبات واهديها لأحد من الاعضاء
1- اهداء للعضو الاول
أحلى ولاء صاحبة الموضوع أهديها ورق عنب إن شاء الله تحبيه
2- اهداء للعضو الثاني
نور فاطمه أهديها بسكوت جوز هند
3- اهداء للعضو الثالث
عنونى أهديها عصير مانجا فرش
وإن شاء الله وفقت بالإجابه على الأسئله