السلام عليكم ورحمة الله وبركاته 
أختي في الولاية (( أم حسون )) يعطيج ألف عافية على هذا الموضوع والمفيد للجميع وجعله الله في ميزان أعمالج بحق محمد وآله الأطهار .
مرة ولدي استمرض وراجعت في كذا طبيب من مستشفيات وعيادات خاصة لمدة أسبوعين تقريبا والولد بالفراش ما في حيل يتحرك ، لين وديته عيادة خاصة عند دكتور الله يذكره بالخير قال لي ما يحتاج أي مضاد ولا أدوية طلعي من العيادة وروحوا اشتروا للولد بوضة ( آيس كريم ) قلت اشلون ومعاه احتقان بالبلاعيم .
رد علي الدكتور : جربي وشوفي .
والله ثم والله ثم والله الولد أكل أيس كريم من الليل لين الظهر ثاني يوم يمكن 10 مرات تقولين الولد كذاب ما فيه شيء ، اتصل علينا الدكتور ، وعلى فكرة الدكتور طريقته جذي ثاني يوم يتصل على أهل المريض يطمئن على مرضاه من أخلاقه الحلوة مع أهل المريض ، وسألني ها أم فلان اشلون الولد بشري ، قلت له : أول الله ثم إنت .
وعلى فكرة بعدين جربت هذه الطريقة مع كل عيالي والحمد لله حتى على ولدي هذا الصغير عمره قريب السنتين ، كنا في امريكا لما يستمرض ما يعطونه أي علاج بس مثلجات .
طولت عليج مشكورة حبيبتي على هذا الموضوع إن شاء الله الكل يستفيد يا رب .