ضحكتوني جزاكم الله الف خير
هذه قصة يقولوا حقيقية واحد طلع من مزرعتهم يعني موفي نص البلد لا متطرفة والدنيا ظلمة والظلام يشتد وصاحبنا ينتظر ان سيارة تمر ..............ما مرت وطولت الوقفة وزدادت الظلمة وصار اذا رفع ايده ما يشوفها من الظلمة..واخذ قلبه الخوف وقام يدعي ..واشوي الا يشوف سيارة جاية لكن تمشي ببطئ شديد كنها ما تمشي ركب بسرعة وحمد الله على السلامة ودار للسواق بيدله وين يروح ..والا!!
السيارة ما فيها سواق تمشي وحدها من الرعبة لزق في الكرسي ..ووصلت السيارة الى منعطف خطير قام يدعي ..ما في سواق..
ولا شاف الا ايد تدخل من النافدة وتلف الدركسون قلبه وقف
ومن ابعيد لاحظ ضوء في الشارع لبقالة نزل من السيارة وهي تمشي وراح يركض والقلب واقف وصل خايف ويلهث ويقص القصة على الموجودين وهم في ذهول والا دخل اثنين أوجوهم متغيره ولما شافوه صاحوا بصوت واحد:
شوف اداهو الخبل اللي نزل من السيارة,سيارتنا متعطلة واحنا اندفها
