الى كل بنيّة تكَول... ياربي ليش ماخلقتني ولد وليش مسويتني ولد حتى اطلع واطب براحتي

تعالي ام كفشة هههههههه تعالي وين الصوندة

اكلها شايفه من ينكطع واير المولده وتضلين اربع ساعات ادورين وين القطع

وشايفة من تكعدين تغسلين بالمبردات

وشايفة من تطفى الكهرباء ويكلولج اصعدي شغلي المولدة ومتشتغل وابوج يكلج اصعدي شغليهة بنت &&&&&

وشايفة من تشتغلين عمالة وتنهفين بطابوكة

زين عوفي كل مامضى خلي ايولي شايفة من تجيبين نفط وغاز وبانزين

زين شايفة من اتلمين افلوس المهر والعرس والزفة والحنة والسبعة وكاسات المهر وحفلة العرس والاكل والمشاوي والعزومة والكارتات الدعوة والذهب والملابس وغرفة النوم وبيت كامل وحضرتج تجين بطرك الاوتي

فابقي بنية احسلج ولاتظلين تكمزين مرة اصير ولد ومرة اصير بنية

ملاحظه : اللي مايفتهم اللهجة العراقيه اني اترجمله http://ahbabhusain.net/vb/images/smilies/bleh.gif