اصراف رصيد المبايل موضوع للنقاش
 

اللهم صلي على من سميته احمدا محمد رسول الله صلى الله علية والة



السلام عليكم احب ان اناقش معكم وهوة استخدام الرصيد وهاي الامور بشكل غير طبيعي استخدام خاطي وتبذير ولكن البعض غافلين يعني هواي شفت زوجة تراسل زوجهة بلبيت او يخابرها وهية داخل البيت او بعض النساء تشوفيها بعمل طوال اليوم مع صديقتها ورة ماترجع من العمل تخابرها وتحجي وياها شسويتي شطبختي هذة كلة اصراف رصيد تبذير مالة داعي بوجهة نضري انو مثلا تخابر صديقة ماستمعة صوتها او شي مهم او اهل او اقرباء لكن بحدود مو جارتها بصفها وتخابرها لا شي ضروري هاي الضاهرة هواي منتشرة وهذا تبذير والتبذير لايجوز شرعا يدخل بعين التبذير واحب اشوف رايكم بي واكو هواي يراسولون رسائل ماكو داعي لها لن المبايل لشي المهم او لاطمنان على حال احد مو لتسيلة وماحاسين بتبذير اني شفت بعض العوائل يتعاملون بمخابرات داخل البيت او زوجة تذهب الى اهلها هية شوية وترجع للبيت تخابر زوجها بساعة مخابرات مالها داعي اني اشوفة تبذير وحرام حتى سلت عنة اتو شنو رايكم لازم يكون اصرافة بصورة صحيحة مو تسلية وكثير استخدام الرصيد الي ماريرضى بي الله سبحانة وتعالى واكثر الناس غافلين عبالهم مو حرام

رد: اصراف رصيد المبايل موضوع للنقاش
 

أحسنت اختي الغالية حنين فعلا هذه ظاهرة الكثير مامنتبه انها تبذير لامور مالها داعي
وموفقط النساء حتى الرجال أيضآ عندهم تبذير بهذا الامر
لكن أكو خدمات مجانية وضعتها شركة زين في العراق مثل الاتصال أو ألرسائل المجانية
وأكو حالة أيضآ وهي أكو نساء حسرة تتصلين عليهة تسألين عنها ماتقدر انه المتصلة راح تخسر أو ماتتمكن تشتري مرة ثانية بس هي حبت تتصل على صديقتها تطمئن
بصراحة أنا مارة بمثل هيج مواقف
يعني أتصل على وحدة أسأل عن أحوالها أبتلي عبالك داسولف مباشر وياهة ومرات أخجل أقاطعها ألى أن تدك نغمة نهاية الرصيدسويت طريقة بمبايلي وهي تتبع المكالمات أحدد مدة معينة الى أن ينقطع الخط للي أدري بيهة بعد ماتسكت
لكن الحمدلله الموبايل مقربنة البعيد وخلانة نتواصل مع أرحامنا الي مانقدر نشوفهم غير كل سنة وسنة
موفقة حبيبتي حنين ويسعدني أكون أول الرادين عليك

رد: اصراف رصيد المبايل موضوع للنقاش
 

رد: اصراف رصيد المبايل موضوع للنقاش
 

عطرتونا بردودكم هاي الضاهرة مو بس نساء لكن نحب ان نذكر المواقف لن هواي غافلين اكو وحدة مطية لبنها مبايل طفل ويلعب برصيد تكول اي بس كون يتونس كتلها مو يصير تبذير وحرام اكو غير شي افضل مابيها شيي وحدة تخابر وتسل عن كل لي تريدة بس كون بحدود

رد: اصراف رصيد المبايل موضوع للنقاش
 

رد: اصراف رصيد المبايل موضوع للنقاش
 

اكو هواي امور غافلين عنها بلكي من النقاش يصحون بعض الناس من غفلتهم

رد: اصراف رصيد المبايل موضوع للنقاش
 

http://www.iraqup.com/up/20130119/kE..._603631640.gif
احسنتي اختي نعم بلفعل هو تبذير
المبايل جهاز كأي جهاز صنع للاستفادة به وفي الوضع الصحيح .والله اني عندي سالفة اطول 20 دقيقة او اكثر لا هذا مو صحيح هم تبذير وهم اضاعة للوقت ويمكن انت عندك الوقت والقدرة المالية لكن المقابل ما عنده هذا الشيء فسوف تضعينه باحراج
قال تعالى (ان المبذرين اخوان الشباطين)