منتديات نور فاطمة عليها السلام - منتدى نسائي للمرأة فقط

السلام عليكم ورحمة الله وبركاته

اليوم حبيت نغير شوي ونخلي هالصفحه خاصه بالمقالب

وانا راح اذكر كذا موقف واللي عندها لاتبخل علينا

خلونا نضحك ونفرفش شوي

1- وحده كانت ساكنه بدور علوي وفي يوم كان زوجها بيسهر برا هي متضايقة وحاولت انه مايروح ماسمع لها المهم خرج وجلست مع اولادها أثنين لعبوا وجا وقت النوم راحت الحبيبة بتقفل باب البيت بالمفتاح وجا على بالها فكرة تترك المفتاح على الباب بحيث انه اذا رجع وحاول يفتح الباب ماينفتح يقال بتأدبة وتتركه برا عشر دقائق ربع ساعة اذا رجع المهم الحبيبة راحت عليها نومه مع أولادها والتلفون على الصامت والرجال طق وطق وطق الباب مقفله على نفسها وعيالها صحت بعد الفجر و كانت المفاجأه الحلوه 20 اتصال دقت سمعت التلفون برا يعني الحبيب نايم على الدرج
فتحت الباب (تقول ماتكفخت وانا اتوقع العكس ) النتيجة انها تقول تأدبت ماعاد نسيت المفتاح على الباب بعدها
.................................................. ...............................................
2- تسمع عن التجسس على جوال الزوج وتُقر وتعترف ان زوجها ماله بها لشغلات بس الشيطان شاطر
زوجها مايسجل اسماء اصحابه لانة يحفظ أرقام المهمين ومايعتمد على التلفون
دق صديقة الساعة وحدة بالليل وكان نايم تقول أشوف التلفون وقلبي اوجعني راحت أخذت الرقم والفجر أتصلت عليه ما رد لانه نام المهم جا الصباح وأجتمعوا على الفطور كان جوالها أقرب جوال الزوج أحتاج يكلم أخذ جوالها ودق على رقم معين يمكن واحد من اولادهم المهم عاد الاتصال طلعت قائمة الارقام المتصل فيها سألها هذا رقم صديقي وش جابه لتلفونك متصل علية والفجر وش القصة المهم الكذب ماينفع في هالمواقف قالت السالفة وبعدها تأدبت ماعادتها مرة ثانية
.................................................. ..................................................
في يوم من الايام جاني خطيبي و جاب معه باقة ورد لي و اعطاني اياها ونسيت كل شي ووطيتها ع الكنب بيني انا وياه و ما ادري الا جلست عليها و يا الله وجهي تلون قالي الورد تحتك و ما عرفت وش اسوي

بس مسكها علي
.................................................. ............................................

اذا تبغو مواقف مضحكة انا صار موقف لنا ماانسااااااااااه ابدا
في اول شهر لنا في الزواج كنا فوق السرير واللمبة خافته وكنا في بيت اهلي فوق سريري يعني السرير صغير وكنا في جو رومنسي واتحمسنا ومع الحركة والحماس والسرسر الصغير زوجي جا بيعدل وضعيته رجع على ورا شوي الا وطااااااااااااااخ على الارض وهو مو لابس شي وانا قمت اضححححححححححك
وبس
.................................................. ..................................................
كان زوجي في ذلك اليوم عنده اجازة من العمل وحب يخلص بعض الأعمال الخارجية مثل صيانة بيت قديم وبعض الامور المهم خرج من الصباح وما رجع الا بالليل وهو هلكان من التعب جلسنا على السرير وبدا يخبرني عن يومه وقال ان اليوم كله نحس ما اسوي شغلة الا ويصير شي وتخترب ويضيع كل اللي عملته وصار يشرح لي اللي صار معه وعندما قرب يكمل كلامه الا فجأة ما نحس الا ططططاااخ طاح بنا السرير إلى الأرض ومنظرنا يضحك مرة فنظر الي وقال ما قلت لك انه اليوم يوم نحس ، الغريبة ان ارجل السرير التوت الى الداخل وطاح الشبك الحديدي بكل ما فوقه ومن ضمنه احنا ولاول مرة تصير معنا مع انه سريرنا صار له سنوات ، المهم عدينا وصرنا نضحك على نفسنا والى الآن من سنوات نتذكره ونضحك
.................................................. .................................................. .
وحده حبت تسوي حركه لزوجها قامت تكشخت ولبست لها لبس الفراشه وهي طبعا ساكنه مع اهل زوجها اتصلت على زوجها وقالت له قبل مايصعد فوق الغرفه يدق عليها دق عليها وقال لها انه بيصعد فوق
المهم وهو بيروح لزوجته قالت له امه يروحج البقاله يشتري خبز والرجال خلى مريته
ولا عطاها خبر
وزجته طول هالوقت مشغله جهاز االبخار والبخار طلع من تحت الباب
مر اخو زوجها من يم الباب وشاف هالدخان اللي طالع ويقوم بصارخ الحقو حريقه حريقه
ويدخلو عليها بسرعه يزعم منقذ المره سمعت صوت الباب تفكر انه زوجها

وتقوم ترفرف بايدايها يازعم فراشه واهل زوجها شافوها وهي تناقز على السرير وترفرف بايديها
.................................................. ..................................................
ولا وحد تقول توها طالعه من الاربعين وقالت بتسوي شي غير المهم جهزت القفص
ونيمت الولد وخلته بغرفه وهي بغرفه دقت على زوجها وقالت لها قبل مايجي يعطيها خبر ....<<قالك بطبق اغنية الجسمي الطير
المهم اتصل عليها زوجها وقال لها انه بيجي البيت
هي دخلت القفص و قفلت عليها الباب ورمت المفتاح بعيد تاخر زوجها عليها وولدها قام يصيح
مرت ام زوجها وسمعت الولد يصيح استغربت ودخلت قالت بتشوف حفيدها ليش يصيح
دخلت شافت الولد بغرفه والام حابسه نفسها باهلقفص في غرفه وهي متظبطه حق ابو الشباب
ولما دخل زوجها وسالته ليش متاخر قال بنشرت عليه السياره
لووووووووووووول
.................................................. ..........................................
مر ريلي : كان معصب حده ومو راضي يرد علي جان ادزله مسج اني مسوية حادث وان هذا المسج من الشرطة
ومرة صار معاي موقف مو قاصدته
ريلي لما يقعد من النوم مايطالع الهدوم يلبس وبس
وانا شادة حيلي ومزهبتله الهدوم اطالع ولا لابس تنورتي ويدور الصوب الثاني يدخل ريوله
.................................................. .................................................. .

انا بقولكم عني عندي اخت توام تشبهني حيل ولما تزوجني ريلي في بداية زواجنا اذا رحت بيت اهلي اهو يدخل معاي يسلم علي امي وابوي وكنت انا بروح ايب العصير حقه ومادري ليش تاخرت تقريبا نص ساعة اكيد قاعده اسولف مع خواتي تدرون ولهانه عليهم ونسيت بعلي وبالصدفة اختي توها راده البيت واسمع ريلي صوته عالي وهو يتهاوش مع اختي حسباله انا يقول لها ليش طالعة وين رحتي مو عيب عليج واهي مسكينة مصدومة ولما شفت الموقف ضحكت ضحك

.................................................. ..................................................
بقولكم علي شي بعد كنا رايحين بانكوك او بوكيت المهم شرق اسيا وكان عندهم عرض للشواذي كرمكم الله ينقزون ويسون حركات المهم المدرب طلب منا اقصد احنا الجمهور ان واحد فينا يتقدم وياخذ الجاذي ويحطة ورارقبته علشان ينقز من مكان الي مكان وانا خوافه بس يتني الجراة ورفعت ايدي وقلت حق ريلي يالله صورني وهو مصدوم المهم رحت وركب الشاذي ورا رقبتي وقام يطامر ولمني لمه واستانست وبعدين المدرب قال يالله نبي واحد بعد قام ريلي حبيبي يعين بيسوي مثلي لما الشاذي صار ورا رقبته قام وبال عليه تكرمون سبحه من البول وانا طبعا قاعده اصوره والله يابنات مادري اشلون قطيت الكاميرا وانسدحت علي الارض مت من الضحك واشوف التايلندين يلزقزن بريلي طلع اذا بال الشاذي علي انسان ياخذون بركات الشخصhttp://www.q8yat.com/images/smilies/smile.gif

.................................................. ............................................

طبعا المواقف كثيره اللي عندها مواقف لاتبخل علينا فيها وانا كل ماذكرت موقف

او قريت عن موقف ابشروا بعزكم على طول نسخ ولصق