بسم الله الرحمن الرحيم

رسالة عتاب الى الامام المهدي عج

عندي رسالة عتب وياك مولاي وبصدري مختنكه العبره

صار اسنين ننتظر جيتك وكلبي يامولا ي خلص صبر ه

شوكت يامولاي نورك يهل علينه والناس كلهه لشوفتك منتظره

اشلون ساكت على ثاراتك وثاراتك انته زين بيـــــــــهن ادره

ثارجدك رسول اللـــه (ص) وثار جدتك فاطمه الزهـــــــره ع

وثار المحسن وطيحته والضلع الذي للحين ماجبر كسره

وثار غدرت الكـــــــوفه وشلون من غدرت جدك حيــــــــــدره

وثار جدك ابو محمـــــــد ع وشلون جبدته بالسم وتفطـــــــــــــره

وثار جدك الحسين الشهيد ع وشلون بكه وحيد وعاري على الغبره

ومن بعد الذبح والسلــــــب الخيل كامت تسحــــــك بصـــــــــدره

وثار عمك العبــــــــــــــاس ع من انطه فداء اليمنه واليســــــــــــره

وثار ابنالحسن جســـــــــــــام وعلي الاكبر الجثته متـــــــــــــــوذره

وثار عبد الله الرضيـــــــــــــــع اشلون النبل من كطع نحــــــــــــــره

وثار حرك الخيـــــــــــــــــــــام وشلون بقت بيهن النار متسعــــــــره

وثار عمتك زينــــــــــــــــــــــب من راحت للشام متيســـــــــــــــــــره

وثار جدك السجــــــــــــــــــاد ع لمماته وبكلبه تلهب الجمــــــــــــــره

وثار جدك الباقر والصادق وكاظم الغيض الخاص بالسجن عمره

وثار جدك الجواد والرضا والهادي وابوك العسكري المنهدم كبره

وثار شيعة على الكــــــــــــــــــــرار اشلون عايشه بذله ومتحيــــــره


صار الشعب يا مـــــــــــــــــولاي مثل السلعه ينباع وينشـــــــــره

تحلل ذبحنه بفتواهم واميــــــــــر يسمونه كلمن ذبح عشـــــــــره

وتسلطت علينه احـــــــــــــــــزاب وكلهه باسم الدين متستـــــــره

خوش مرجع مؤيدهــــــــــــــــــــم وكل الناس تثق بيه وتقــــــــدره

وهذا المرجع طلع عميا وخائــــــن وكلهه ملتفه وياه هالزمــــره

وافعالهم الرذيله سيـــــــــــــــدي صارت بكل مكان منتشـــــــــــره

بعد شوكت تجينه يامولاي وياك انجدد الثــــــــــــــوره