منتديات نور فاطمة عليها السلام - منتدى نسائي للمرأة فقط

منتديات نور فاطمة عليها السلام - منتدى نسائي للمرأة فقط (http://www.noorfatema.com/vb/index.php)
-   الصحة والطب - مواضيع العلمية,الطبية,الثقافية -تحذيرات ,المخاطر الصحية .. (http://www.noorfatema.com/vb/forumdisplay.php?f=22)
-   -   الجزر بالأساس لونه بنفسجي مو برتقالي (http://www.noorfatema.com/vb/showthread.php?t=26743)

جنة المشتاق 12-07-2010 09:42 PM

الجزر بالأساس لونه بنفسجي مو برتقالي
 

قبل القرن السابع عشر اللون الأساسي حق الجزر كان بنفسجي، تخيل يعني إذا قالوا لك جزر راح ايي ببالك شي لونه بنفسجي!
كان لونه بنفسجي، مر، صغير الحجم، ومليان ألياف. قاموا الهولنديين بآخر القرن السادس عشر خذوا الجزر البنفسجي وطوروه جينياً و وراثياً باستخدام الجزر الأصفر والأبيض (إي كان في جزر أصفر وأبيض بس نادر حيل) وصار عندنا هالجزر البرتقالي اللزيييييزززز.

زين ليش فكروا يغيرون لونه؟ يعني تخيلوا مرة وحده نقوم الصبح نقول خلاص ملينا من الموز لونه أصفر، نبي لونه أزرق فسفوري،،، شكو؟!؟

يقووولوووووون احتماااااال السبب اللي خلا الهولنديين يفكرون باللون البرتقالي بالذات هو تكريمهم حق شعار House of Orange (مثل عائلة كبيرة أشبه بالقبيلة) ودورهم في السعي حق استقلال هولندا من الحكم الأسباني خلال حرب الثمانين عام.
والاحتمال الثاني انهم بس كانوا يجربون تحسين طعم الجزر ولما صار معاهم أحلى كان طالع معاهم لونه برتقالي ومشى معاهم لي اليوم على هاللون.

التعديل الجيني والوراثي على الأكل تطور وايد خلال القرون الماضية، آخرتها وصلنا لهاليوم اللي بالموت تحصل فيه أكل صحي طبيعي 100% ، شكثر ألوان وشكثر مواد صناعية وشكثر كيماويات، مو بس بالوجبات السريعة، حتى بالفواكه والمحاصيل الزراعية والخضرة والإنتاج الحيواني.
التعديلات اللي قاعدين نشوفها على الأغذية وانتاجها لازم نفهم انها بغرض مالي بحت، إنتاج كميات أكبر وبسعر أقل لزيادة نسبة الربح. الحال صار الحين الأكل الصناعي وايد أرخص من الطبيعي، الطلب صار على الصناعي الملون المليان سكر وشكله حلو أكثر من الطبيعي اللي ملت عيوننا منه. شكثرهم اللي ودهم ياكلون صحي وطبيعي بس يخافون جيوبهم تبطل حلجها وتزعل http://www.kumailplus.com/wp-content...ns/kml_sad.gif

أختم الموضوع بهذي المعلومات السريعة بخصوص الجزر:
1- إذا الواحد اكل جزر بكميات كبيرة حيل بيصير عنده طبقة من اللون البرتقالي ببشرته.
2- لي اليوم في جزر بنفسجي بأفغانستان.
3- بالعصور الماضية الجزر ما كان مشهور بالأكل كثر ما كان مشهور استخدامه بالأدوية.
4- أيام الحرب العالمية الثانية البريطانيين صنعوا الرادار واستخدموه لأول مرة. قاموا يدمرون الطيارات الألمانية بالليل والظلام بسهولة وبشكل عجيب مو متعودين عليه الناس قبل. قالوا عشان لا ينفضح الاكتشاف ويغطون على الرادار ان السر يرجع لاتباع الجيش الانجليزي نصيحة محلية قديمة بأكل كميات كبيرة من الجزر لتقوية البصر، طبعاً قزرت السالفة على الألمان وحتى الشعب الانجليزي قاموا يزرع الجزر وايد بالبيوت. لي الحين أثر الكذبة مستمر. الجزر علمياً حاله حال وايد من الفواكه الثانية من ناحية أثره الإيجابي حق البصر مافيه أي تميز.
5- ثلث الجزر اللي ينباع بالعالم من إنتاج الصين، تعتبر الصين أكبر منتج للجزر وبعدها روسيا وبعدها أمريكا.
المصادر:
Today I found out – Carrots Used to Be Purple Before the 17th Century
من مدونه كُميل

ولاية علي حصني 16-07-2010 02:53 AM

رد: الجزر بالأساس لونه بنفسجي مو برتقالي
 
سلمت يداكـ

جنة المشتاق 17-07-2010 03:39 PM

رد: الجزر بالأساس لونه بنفسجي مو برتقالي
 
الله يسلمج غاليتي
موفقة >_*

آية النور 17-07-2010 04:07 PM

رد: الجزر بالأساس لونه بنفسجي مو برتقالي
 
أجل من اليوم ورايح ماراح آآكل إلا جزر بنفسجي

بس المشكلة من وين أجيبه ؟ كككك

يعطيك العافية أختي الفاطمية

ام شبر 17-07-2010 04:50 PM

رد: الجزر بالأساس لونه بنفسجي مو برتقالي
 
اقتباس:

المشاركة الأصلية كتبت بواسطة جنة المشتاق (المشاركة 220826)
1- إذا الواحد اكل جزر بكميات كبيرة حيل بيصير عنده طبقة من اللون البرتقالي ببشرته.

حلو واحد يصير لونه برتقالي ههههه

مشكورة حبيبتي على هذه المعلومات

أحلآ قمر 17-07-2010 06:09 PM

رد: الجزر بالأساس لونه بنفسجي مو برتقالي
 
http://alsbtain.alatham.com/qatifoas...-806279151.gif

وردة النور 18-07-2010 01:33 AM

رد: الجزر بالأساس لونه بنفسجي مو برتقالي
 
يممممممممم اشتهيت الجزر

مشكورة عل الموضوع

فرقان 18-07-2010 11:37 AM

رد: الجزر بالأساس لونه بنفسجي مو برتقالي
 
http://4upz.almsloob.com/uploads/ima...b5ee4467d5.gif

نورالامل 18-07-2010 05:57 PM

رد: الجزر بالأساس لونه بنفسجي مو برتقالي
 
ههههههه خلاص باكل جزر عشان اقوى نظرى مشكوره اختى على المعلومه المفيده

جنة المشتاق 20-07-2010 08:37 PM

رد: الجزر بالأساس لونه بنفسجي مو برتقالي
 
اقتباس:

المشاركة الأصلية كتبت بواسطة آية النور (المشاركة 222698)
أجل من اليوم ورايح ماراح آآكل إلا جزر بنفسجي

بس المشكلة من وين أجيبه ؟ كككك

يعطيك العافية أختي الفاطمية

مو مشكله يبي جزره وصبغيها << كاااااااك
الله يعافيج غاليتي
موفقة >_*


الساعة الآن 01:59 AM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By Almuhajir