منتديات نور فاطمة عليها السلام - منتدى نسائي للمرأة فقط

rose^احدى المديرات قالتrose^

ساعرض عليكم مشكلة طالبة لدي واتمنى ان تعاونني على مساعدتها

جاءت من المتوسط وترتيبها 2 او 3 على المحافظة

وفي اولى ثانوي ما ظهرت مع الصف

استغربت معلماتها من سقوط مستواها الدراسي وقالولي

طلبتها لمكتبي

كيفك بنتي ايش اخبارك وهيا ترد بكل ادب

ولمن فتحنا سيرة الدراسه ونزول مسواها

قعدت تبكي والله بكاها كان فضيع

حاولت اهديها لين هديت قلت لها قوليلي ايش فيكي

قالت والله اني كنت اتردد كم مره في اليوم اجي اقولك طول ديك السنه

<< تراني طيبه وحبوبه والله مني مجرمه ما اخوف

المهم وماقالت لي السبب

تركتها براحتها وقلت لها بابي وقلبي مفتوح لك اي وقت تعالي

والله كنت ادعيلها من قلبي والله من ادبها احببتها

وبعد 3 ايام جات

وقالتلي عن الهم اللي هيا هاممها

قالت لي انا لمن جاتني الدوره كنت اعرف انها دم ينزل وهذا دم طبيعي

وتجي كل شهر

وجاتني اولى متوسط وكنت انظف المنطقه بطريقة خاطئة جدن بعد كل دوره

كنت اقرف منها كنت ادخل اصبعي اتاكد انه مافي دم

http://www.aminnet.info/work/2.jpg

كانت تبكي وهيا تحكيلي
وانا من الفجعة مسكت ع فمي وهيا خافت والله عفويا طلعت معايا

المهم هيا عرفت شي اسمه غشاء بكاره اولى ثانوي من البنات

وقعدت تسال وحده وهيا تقولها كل شي عن ذا الغشاء

والله شلت همها من يومها وربي انو مو غلطها

كانت تجهل ذا الشي

قلت لها وامك ما قالت لك شي لمن بلغتي

قالت لا غير انو دي حتجيكي كل شهر والبسي الكوتيكسا بس

قلتلها ذا غلط امك

قالت ما اقدر اقولها والله امي كبيره وتفكيرها وعقلها كله حق كبار تعصب بسرعه

واذا قلت لها ابوي عندة الضغظ بتقوله واهمهم
rose^تقول ماذا افعل انصحوني rose^