ابنتي لا تأكل الطعام ماذا افعل؟؟؟؟
 

السلام عليكم ورحمة الله وبركاته

اخواتي العزيزات انا جديدة عليكم توني مسجلة في المنتدى وحبيتكم تساعدوني مشكلتي مع بنتي عمرها سنة وسبع شهور من بعد التطعيم مرضت والحمدلله الحين هي بخير بس المشكلة انها رافضة الاكل نهائيا وصارت ماتشرب الحليب بعد شسوي والله نفسيتي تعبانة صار جسمها عود حاولت معاها كل الطرق علشان تاكل بس ماتاكل وديتها عند الدكتور يقول لي تحمليها اشوي اشوي بتاكل واكيد من التسنين صايرة ماتشتهي الاكل الحين صار لها شهر ونص تقريبا على هالحال لي ترقد اعطيها المرضعة وهي نايمة تشرب بس اذا صحت وشافت المرضعة تصيح وترفض انها تشرب الحليب ساعدوني يابنات انا قلت بروح اخذ لها فاتح شهية والي عنده خبرة بهالشي يساعدني ويقول لي شنو افضل انواع فواتح الشهية للاطفال والي مجربة تساعدني


جزاكم الله خيرا

رد: ابنتي لا تأكل الطغام ماذا افعل؟؟؟؟
 

بانتظار ردودكم

رد: ابنتي لا تأكل الطغام ماذا افعل؟؟؟؟
 

السلام عليكم
أتمنى لو كنت أكدر اساعدج بس أول شي خالأساعد نفسي على الأكل ..
إن شاء الله الأخوات يلكولج حل
والله يحفظلج بنتج ويخليها لج ...

رد: ابنتي لا تأكل الطغام ماذا افعل؟؟؟؟
 

رد: ابنتي لا تأكل الطعام ماذا افعل؟؟؟؟
 

نفس الشي اعيال خواتي اله بنت اختي دي ام 11 شهور ههههههههههه

رد: ابنتي لا تأكل الطعام ماذا افعل؟؟؟؟
 

طولي بالك عليها وان شاء الله بتاكل
احيانا تصير عند الطفل انتكاسه ماياكل
خصوصا اذا صار له سبب مثل مرض او تسنين او تطعيم او عائق ومع المحاولات يرجع ياكل
حاولي ترغبينها في الاكل باسلوب حلو مثل تأكلينها وهي تتابع او اناشيد تحبها
او تكونين انتي تنشدين وتغنين لها
او مثلا تحطينها داخل حوض بلاستيكي يكون معبى العاب وتلعبينها وفي نفس الوقت تأكلينها
او حوض فيه ماء والعاب مائيه وتلعبينها وتأكلينها
اهم شيء انك تحاولين تأكلينها عشان ترجع تتعود تاكل حتى لو اكلت شيء بسيط اهم شيء تاكل
الله يخليها لك ويحفظها ويصلحها ويبلغك فيها وفي عيالها ياااااااارب

رد: ابنتي لا تأكل الطعام ماذا افعل؟؟؟؟
 

السلام عليكم خيو
شكلش أم لأول مرة ما عليه
هيئي ليها جو المرح يعني فتحي التلفزيون ع قناة فورتين مثلا ورفعي الصوت لما تندمج حطي الصحن عندها وخليها تاكل بروحها بحيث يكون معها أطفال يساعدونا يعني ياكلون وياها
ع الأكل وخلش مراقبتها من بعيد
الطريقة الثانية ا جمعي حواليها كل الألعاب الي تحبها + الأكل الي تفضلة على أشكال مثل الورود والحيوانات والطيور ودوائر وغيرها
الطريقة الثالثة ألعبي معاها ونتي تعطيها الأكل .

رد: ابنتي لا تأكل الطعام ماذا افعل؟؟؟؟
 

مشكورين اخواتي العزيزات على النصائح الحمدلله رب العالمين بدت تتحسن حالتها والله كنت خايفة يصير فيها شي هههههههههه مشكورين وماقصرتوا

رد: ابنتي لا تأكل الطعام ماذا افعل؟؟؟؟
 

اختي الكريمة عادة الطفل في هالعمر يصاب بفقدان الشهية بسبب التسنين ومعظم الاطفال يفقدون الرغبة بالاكل بعمر السنة لوجود اشياء تلهيهم عن الوجبات انتي حاولي ترغبينها بالاكل حتى لو تتركي الملعقة لها تاكل لوحدها او تعطينها الاكل بيديها وكلها فترة وتعدي وكلنا مرينا بنفس التجربة وترد الشهية مثل ماكانت بس في اطفال طبيعتهم قليلين في الاكل واذا زادت الحالة اطلبي فاتح شهية وانشاء الله تستفيد ابنتك عليه