|
دليل روضات وحاظنات البحرين
السلام عليكم خواتي الأمهات طبعا بننتي عمرها سنتين فأبي اسوي ريسرج عن الروضات ويا ريت تساعدوني عن اي روضه تحسونها زينه وتخلونها اهنيه بصراحه ما اعرف وله روضه يمكن اشوف الأسماء بس ما اعرف اي شي عنهم وخصوصا انه بنتي عمرها سنتين يعني بعد سنه وابي ادخلها فلي عندها خبرها تشاركنه في المعلومات وارجو من المشرفات تثبيت المووضوع عشان يكور مرجع نستفيد منه |
رد: دليل روضات وحاظنات البحرين
ما شاء الله 7 مشاهدات وله مشاركه
إن شاء الله ببدي البحث واخلي لكم المعلومات وإن شاء الله افيد واستفيد بعد من خبراتكم يله شاركونه وبالذات إلي وودو عيالهم روضات |
رد: دليل روضات وحاظنات البحرين
بِسْمِ اللّهِ الرَّحْمـَنِ الرَّحِيمِ اللَّهُمَّ صَلِّ عَلَى مُحَمَّدٍ وآلِ مُحَمَّدٍ يعطيك العافية أختي على طرح الموضوع .. أن شاء الله الأمهات يساعدونش و كل وحدة أتقول خبرتها عن أحسن روضة ,,, و أني حالياً ما أفكر أودي فطوم الروضة من وقت ,,, أحس أحسن وقت مرحلة التمهيدي .. الطفل يمل كل يوم يقوم من الصبح و خصوصاً أذا كان الجو بارد .. و كل وحدة أتقول رأيها في أي مرحلة أحسن الطفل يذهب للروضة .. |
رد: دليل روضات وحاظنات البحرين
مشكور اختي نور فاطمه
نورتي الصفحه واني بعد للين ما اودي بنتي يبي لي بعد سنه بس متحيره وين اوديها وما ابي اي مكان يعني اخاف عليها وشكلي بخليها في البيت وحطيت في بالي ادور من الحين وافيد واستفيد واقول عشان تقضي وقت تغير فيه جو وتستانس وتتعلم بعد |
رد: دليل روضات وحاظنات البحرين
أشكرك على الموضوع
اني صراحة اودي اولادي من سن ثلاث سنوات ما جربت الا روضة أنوار الغدير اشوفها واجد ممتازة أفضل يأخذون السنة الاولى في الروضة لان واجد متعبين ولدي الاول ما ودتيه الا وهو اربع سنوات (مستوى ثاني ) درسته اني في البيت واجد تعبت معاه |
رد: دليل روضات وحاظنات البحرين
موضوع جدا رائع
اني عبادي عمرة سنتين و7 شهور وبسجلة حق حضانة هالنسة ان شاء الله اني كنت بودية الجاية بس لانة عبادي عنده مشكلة في الكلام للحين مايكون جمل يعني مجرد يقول كلمات وقالت لي الدكتروة يبي لة اطفال يكون وياهم واحسن مكان الحضانة علشان جدي بسجلة هالكورس اني بصراحة محنارة وحدة مدحت لي عن روضة علاء الدين وتشجعت اكثر لما عرفت انها شيعية بس ماادري عندهم بعد يدرسون الجهال عن المناسبات الدينية اذا كان وفاة او مولد والي تعرف حضانات رووضا زينة في مدينة عيسى تخبرنا |
رد: دليل روضات وحاظنات البحرين
ضموني معااااااااكم انا بنوتاتي بيكملون قريب سنتين ونص وابي حضانة او روضة تكون ممتازة وتهتم بالتعليم مب بس اللعب
|
رد: دليل روضات وحاظنات البحرين
هذا السؤال المحير الذي تواجه دائما الامهات ,اني عندي ولد عمره الان اربع سنوات وديته روضه الامام الرضا (ع) في بوري واحس انها ممتازه وكل مناسبه سواء وفاه احد الائمه او ميلادهم يسون فعاليه يا مولد او عزاء ,وعندي ولد عمره الان سنتين ونص يعني السنه الجايه يكون تمهيدي احتمال اخليه واقوم بتدريسه اني لاني احسه بعد ه صغير وبيتملل بعدين .
|
رد: دليل روضات وحاظنات البحرين
السلام عليكم رجعت لكم من بعد غيار
طبعا إلي سألت عن روضه علاء الدين ،، إي سمعت عنه انهااااااااااا وايد زينه لانه اختي ودت بنتها فيها لانه الأولى ودتها المعالي الخاصه بعدين الثانيه ودتها هذي الروضه وتقول بعد انها زينه عن نفسي ابي في ستره واقول ابي اوديها النور بس متحيره دخلت على السايت مالهم ما ستفدت منه شي الصراحه وله حتى الفيز حقهم وإلي تعرف تقول واني بسوي بحث وبخليه وكلش كلش الروضات إلي في ستره إلي قالو انها زينه السراج + البتول وفي غيرهم القمر والصادق وبعد وحده نسيتها بس ما ادري عنهم زين وإلي تعرف بعد روضات في ستره وضواحيها تخبرني وطبعا للحين ما رسيت على بر |
رد: دليل روضات وحاظنات البحرين
اقتباس:
بس ارقام تعرف وحروف حتى بالإنجليزي اسماء تعرف يعني وخصوصا اني لمه اعلمها مو اقعد وياها لا مثلا واني اطبخ اعلمها وله واني وياها في االسياره جذيه واحس تاخذ معلومات اكثر لو اني قاعده وياها وتعالي تعلمي وتعالي قولي هذا شنو وهذا شنو |
رد: دليل روضات وحاظنات البحرين
روضة علاء الدين النموذجية سمعت اقولون عنها زينا جيرانا موديا ولدها فيها وتمدحهاااا وهي في جدعلي
روضة الغدير(مو متاكده من الاسم بس المهم فيها الغدير )في جدعلي وعندهم فرع في توبلي وانوار الغدير قريبة من مستشفى الدولي وبنت عمي تمدحها روضة علي بابا في سند زينة بعد ويحتفلون بالمواليد والوفيات وروضة القمر في سترة خبري بها من زمان كانت اوكى وروضة السراج في سترة بعد سمعت عنها اوكى بنت عمي ولدها فيها وروضة البتول في سترة وروضة الخليج ما ادري في اي منطقة بس خالتي اولادها فيها وتقول زينة وروضة الروابي واجد يمدحونها بنات عمتي وهذلين الي اذكرهم واذا سمعت عن روضات غير بقول اليكم عنهم حبيت اكتب اسماء الروضات الي سمعت عنهم زينين لاني واجد اسال عشان بنوتتي |
رد: دليل روضات وحاظنات البحرين
السلام اخوات
ولا احد منكم يعرف عن روضات زينه في منطقة المحرق وضواحيها ابغي اودى ولدي ومتحيره بين الروضه الخاصه علشان الانجليزي وبين العاديه خاصه اذا بوديه فترة الروضه بس اللي جربت المدارس الخاصه تفيدني |
رد: دليل روضات وحاظنات البحرين
اني غيريت راي عن علاء الدين مو لاني سمعت عنها شي لا
بس لانة طلعت في روضة وبنا قريب في سلماباد اسمها العالم الصغير وفي ناس مدحوها لي ورحت شفتها بصراحة اترحت منها واجد وقلت الليها ماابي اخلية على واجبات وجذي فقالت بتخلية مستمع في الصف وبتعخلةي يلون وجذي وبتعطية واجب بس ماعلية علامات يعني لو حابة الام تسويه مع ولدهااا اوكي واذا ماسوها ماعلية علامات وان شاء الله نهاية هالشهر بروح اسجل |
رد: دليل روضات وحاظنات البحرين
واني بعد ابغي روضه زينه بمنطقه لمحرق ...
اعرف الوديعه بسماهيج .. قريبه لنا ... ناس تمدح وناس تذم فيهاا .. عشان كذا صرفت النظر عنهاا روضه سدره العصافير .. درس فيها ولدي البكر جداااا راااائعه بالذات اهتمامهم باللغه العربيه والقراءه والكتابه ... بس تجاريه شوي مدرسه المهد الخاصه .. حاليا ولدي فيهااا واشوف الاهماااااااااااال الشديد غير انها تجاريه درجه اولي ومابي اعيد نفس الكره مع بنتي وقاعده افكر بسدره العصافير عالاقل احسن شي بينهم |
رد: دليل روضات وحاظنات البحرين
اني صراحة ما اغير عن روضة انوار الغدير استفادوا اولادي منها واجد
اني سجلت ابني للسنة الجاية من بداية شهر مارس جان لا يفوتني |
رد: دليل روضات وحاظنات البحرين
اقتباس:
شكرا لك اختي ام قمرين لأفادتي بالنسبة لي ليست لدي خبره في الروضات وأدائها وعن روضة الوديعه مثل ما قلتي ناس تمدح وناس تذم فأنا متردده وسدرة العصافير بالاضافه الى انها تجاريه سمعت ان مستواها تدنى عن السنوات السابقه والله أعلم كنت أفكر بمدرسة المهد ... سمعت عنها ونصحوني بها ولكني ترددت الان اتمنى احصل روضه زينه فلم يتبقى الكثير |
رد: دليل روضات وحاظنات البحرين
أني سجلت بنتي روضة أنوار الغدير وسمعت أنها وووواجد زينة.
|
رد: دليل روضات وحاظنات البحرين
اني بعد سجلت ابني في روضة أنوار الغدير صراحة ممتازة
|
رد: دليل روضات وحاظنات البحرين
سلام عليكم لفت إنتباهي موضوعكم وحبيت أفيدكم من واقع خبراتي بولاد أختي اللي دار رأسنا واحنا نجرب روضات واخيرا استقرينا على روضه فضيعه صراحه قلبا وقالب مبنى ممتاز ومناهج روعه وتنافس المدارس الخاصه في جودة مناهجها وطاقم تعليمي متميز والاهم عدهم مشرفه تربويه وإخصائية نفسيه ومعلمة تربية خاصه يعني يدخل الطفل ويسون له برنامج متكامل وترتاحين وياهم يمكن عدهم عيب واحد بس مواصلاتهم مو دقيقه بمواعيدها بس المديره حريصه على وقت الطلبه ما ينصرفون الاطفال الا الساعه 12 الظهر وصراحه اسعارهم احسها قليله على هالمجهود الرائع اللي يبدلونه تدرج مدروس في العمليه التعليميه مو حشو على الفاضي والطفل يستمتع وهو يتعلم ويحتفلون بالمناسبات الدينيه حتى الطباخ يطبخون وحى التمثيل يفعلونه ومسرح العرائس يعني صراحه يعطيهم العافيه واغلب أطفالهم يترفعون للصف الثاني يعني ولد أختي اللي كنا انحاتيه تخيلوا كان بيرفعونه بس اختي ما رضيت وخلته بصفه الروضه بسلماباد واتمنى ليهم التوفيق اسمها العالم الصغير وصدق تخرج علماء حتى العلوم والرياضيات متميز عدهم بعد الله يوفقهم يا رب
العالم الصغير صدق رووووووووووووووعه |
رد: دليل روضات وحاظنات البحرين
اقتباس:
على العموم مشكورين على الموضوع لاني افكر اودي بنتي الهادي والى حد الحين بعدي ماسجلتها الظاهر بيخلص التسجيل واني بعدي |
رد: دليل روضات وحاظنات البحرين
ياليت خواتي تفيدونه عن روضات المحرق
|
رد: دليل روضات وحاظنات البحرين
ام حمود والله ما عندي فكره عن روضات المحرق
بس فيه مدرسه المهد فيها رياض وكأنه اهيه في عراد وسمعت عنها انه زينه |
رد: دليل روضات وحاظنات البحرين
اني سمعت كأن فيه روضة البشاير يقولون زينة
|
رد: دليل روضات وحاظنات البحرين
بسم الله الرحمن الرحيم
اخواتي العزيزات انا معلمة روضة اولى في دولة الامارات واحنا عدنا الافضل انه الطفل في عمر4 سنوات يكون روضة اولى(KG 1 ) وفي عمر 5سنوات روضة ثانية (kg 2 ) كمعلمة انا اشوف انه هذا السن مناسب اما اذا الام حبت ادخل ولدها قبل فتدخله حضانة احسن اله عشان المناهج الموضوعة لرياض الاطفال على اساس هذا العمر وفقكم الله |
رد: دليل روضات وحاظنات البحرين
ولو
انه مالي دخل بالموضوع بس الا اعرفهوم روضة البواسم في الدير دي درست فيها و كانت اوكي الحين مادري شلون التعليم فيها و الوديعة عندنا بسماهيج |
| الساعة الآن 05:48 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir