‏أم فاتي زيزي, ‏أم حمود, ‏زهرة الربيع

يعني في احد وحاقريني لكن مااعليه

ام حمود لااا مااكل بيض مع طماط وكان طالع عليه البهاارت وايد حاولت انها ماتاكل منه ماارضت كانت تهبش بيدها ولا في الاخير شالت خبز وتسوي نفسنا انها تاكل ابه خخخ اتوقع منه لانه حتى اشيااءاتها صايرة كله نقط حمر

خخخخ عليهم سوالف حمواتش أم جعفرين عجبتني المقايضة

صح أكيد منه هو البيض إذا سبب حساسية تقب عدل

ظهري مقصوص عليي بتجيني الدورة ومن الحين ألمها اني اتوقعت اقعد الصبح ابها من فرارة أمس في الظهران بس هاكو بس المها وهي للحين صامدة

يوو رقوم الله يساعدش اكره شي هالدورة اووف منها

سمعي ويش اخذتي من الظهران خبرينا عن رحلتش وحملتي حمود او لا

ذكرتيني تصورش صح هي عبارتي بالضبط كفاية طول الدوام بعيدة عنه على الأقل اقعد وياه بقية اليوم ولو مت من التعب ، بس أبومحمد ما ترك لي مجال حطاني أمام الأمر الواقع جا أخذني وع الجسر مباشرة وقالي محمد قلت لأمي بنخليه عندها وهي أصلا ما كانت راضية نآخذه ومستكرهة روحتنا في المطر واجد كانت تحاتينا وخايفة علينا

المهم أخذت بامبرز 2 العملاق خخخخخخ أهم شيء سعره واجد فرق عن اهني ، أمزح المهم أخذت كوت جينز أسود دافي عدل مبطن بعشرة ريال وبرمودا زيتية بعد بعشرة وشورت جينز بــ 16 وبرمودا بيج كشوخي هم بــ 16 ريال هذا من bhc ومن ليدي بيرد أخذت بدلة برمودا وقميص وفانيلة بــ 35 وبدلة برمودا حمرا حلوة وتي شرت ب30 ريال وصندل صغنون عدل حلو ونعوم بـــ 15 ريال لبنت حماي

ومن فيل فري أخذت قميص كم طويل بس خلقه بارد وخفيف عدل عدل مقلم بماروني فاتح عدل بــ 19 ريال ، ومن جيان أخذت قميصين معاهم فانيلات عجبوني كشوخين الواحد بـــ 25 ريال وفانيلة حمرة كلش عجبتني أطرافها والكتابة زيتية وحمود عنده بنطلون زيتي نفس الدرجة بالضبط وأكياسه واطرافه تحت حمرة أخذت الفانيلة له مخصوص بــ 19 ريال ... اي تذكرت وأخذت فانيلتين صيفيين نعومين من ليدي بيرد بعد الوحدة بــ 15 ريال

وحسيت أني جدي تقريبا باللي عندي شبه كملت ثياب الصيف الأساسية لحمادة لأن خلاص ما عنده كبر على مال اللعام

ومن جيان مثل ما قلت أول أخذنا حفاظات لحمود وبنت عمه وقواطي حليب هم لبنت عمه لأن الفرق في سعر العلبة 4 ربيات ونص وشحنت ليي كاكوات وقبل تغذينا غذاء رومنسي مال مخطوبين خخخ " مسكين حمود على عمري " وبس الساعة 7 ونص احنا في شقتنا نتعشا

اتصدقين رغم اني اتنغصت على حمود عدل بس الصراحة راحة اخذت راحتي بدن حجايجه عدل وافتريت المجمع كامل واني خفيفة وعرفت اعسعس وانقي بدون عجلة وفوق هذا رجعنا من وقت

ماشاء الله مشتريات حلوة والاسعار احلى وصادقة اهم شي البامبز خخخخ