|
رد: شاركي معنا بمثل شعبي
بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه الطيبين المنتجبين rose^ هلا وألف هلا...نورتي يالنور, أحسّ الموضوع صار له طعم خاص بنورك وأضافتك الجميلة ربّي لايحرمنا منك ومن نور قلمك,, أتمنى من الأخت الطيبة أم شبر تعرّفنا أكثر بالمعنى من وراء المثل ولكن حسب مافهمته وبعلمي البسيط هو من يسعى وراء الشيء وماأن يحصل عليه حتى يكون سبباً في تعبه وشقائه سواءاً كان سعيه بالجهد العقلي أو الجسماني أو المال أو الفوز بحاجة جزاء عمله فيكون ما حصل عليه وبالاً وعلّة. حبيبتي نور..إنتِ تعرفين شرح المثل وتريدين تمتحنينا؟ لو تريدين شرحه منا !! وعن نفسي فأنا لست أهلاً لذلك, ربي يديم تواجدك بيننا, ولك حبي ودعواتيrose11rose11 |
رد: شاركي معنا بمثل شعبي
أهلاً فيج حبيبتي
شكراً جزيلاً ^_^ صح صح جك جك جك <<< يعني تصفق ~_^ لا اعرفه بس ابي امتحنكم اصلا الامثال اللي اعرفهم ينعدون ع الاصابع ههههههه نتعلم منكم ان شاء الله ,, ومثل ما يقولون " حلاة الثوب رقعته منه وفيه " <<<< شددددخل o.o!!! ان شاء الله اتعلم من جدتي قريباً و أصيرشاطرة مثلكم بالأمثال ^_^ تحياتي ,, |
رد: شاركي معنا بمثل شعبي
اقتباس:
يا الف اهلا وسهلا بهذا النور آآآآآآآسف جدا على تأخري عليكم حبيبتي حور ليش تتكلمين على الدلوعات بهالطريقة اصلا احلى صفة بالمرأة هي الدلع في بيتها طبعا مو المثل يقول دلع الحبيب مثل شرب الحليب وماذا بها صبوحة هههههه شوفيها عمرها 100 سنة وهي الى الان محتفظة اناقتها ورشاقتها اصلا ياريت كلنا نتعامل مع ازواجنا كما تتعامل صبوحة مع معجبيها هههه حبيبتي نورتي الموضوع تحياتي لكِ |
رد: شاركي معنا بمثل شعبي
اقتباس:
وانا ايضا اشتقت لتبادل الامثال معكم حبيبتي نور القرآن نور الموضوع بوجودج حبيبتي شرح المثل اضافة لما ذكرت عزيزتي حور ان الانسان بنفسه يجلب التعب لنفسه بل يبذل التضحيات في سبيله وهو يتصور انه نعمة واذا به نقمة واي نقمة مصيبة ويوجد مثل عراقي بنفس المعنى يقول كنت قاعد ومستريح حطيتلي ديك اللي يصيح هههه حبيبتي سررت بتواجدكِ الله لا يحرمني منكم ابدا |
رد: شاركي معنا بمثل شعبي
اقتباس:
وعليكم السلام ورحمة الله وبركاته احسنتِ كثيرا حبيبتي حور لاحرمني الله منكِ ابدا وانا اضفت الى شرحكِ قليلا ارجو ان تكون اضافتي موفقة |
رد: شاركي معنا بمثل شعبي
اقتباس:
تستاهل حور تصفقيلها شاطرة بالامثال ياريت تتعلمين من جدتج وتجيبي لنا المزيد من الامثال تحياتي لكِ حبيبتي |
رد: شاركي معنا بمثل شعبي
اقتباس:
بسم الله الرحمن الرحيم السلام عليكم ورحمة الله وبركاته الطيبين المنتجبين rose^ النار ماتشوي إلا رجل اللي واطيها أو ماتحرق النار الا رجل واطيها. وهههههه هذا المثل جواب على ردّج ياحبيبتي يا أم شبر بالله خاف تكونين من معحبات الصبوحة...هههههه ترة بالمناسبة هي تكول عمرها ٨٣ سنة بس بعدين الرشاقة وين والوجه والنظارة وين؟؟؟ وشنو جاب البلح على الدولمة يعني معحبين وين والأزواج وين هاي شنو...غيابج أثّر على الأمثال ....هههههه تسلميلي ي الأحلى أم شبور rose^ |
رد: شاركي معنا بمثل شعبي
اقتباس:
هههههههههههههههههههههه انا من معجبات الدلع والدلوعات ومن زمااااااااان مو اليوم والبارحة ههه وارى ان الدلع من اقوى اسلحة المرأة وانا قلت ان نتعلم الدلع من صبوحة وكذلك يجب ان نتعلم اين ومتى نستعمله من دينا واخلاقنا وتربيتنا وكما يقول المثل كل شي بوكته حلو يا حلو وكذلك المثل بالفصحى لكل مقام مقال ارجو ان يكون قصدي واضحا علما اني لا يؤثر على مبادئي شيء مهما كان سررت بتواجدكِ حبيبتي حور |
رد: شاركي معنا بمثل شعبي
اقتباس:
بسم الله الرحمن الرحيم السلام عليكم ورحمة الله وبركاته rose^ فدوة إلج ولقصدج , ههههههه طلعتِ دلوعة ياحلو...والله كلش حلو أن شاء الله أنت هم فهمتِ قصدنا لمن قلنا المثل وماعنينا فيه هو الزيادة فيه في غير صالحه وجماله مو المثل يقول الشيء اللي زاد عن حده إنقلب ضده مو صح؟ ههههه والله لأطيحلج دلع من هسه رايح وأقول أم شبوري ...دللولتي شلونج؟ هههههههه:showimage_062::showimage_062::showimage_0 62: |
رد: شاركي معنا بمثل شعبي
اقتباس:
انا اموت بالدلع الي يجيب نتائج رائعة وينصر المرأة في معركة الحياة هههههههههه مو المثل يقول الزواج مثل المعركة محتاج رسم وتكتكة هههههههههههههه حبيبتي والله ضحكتيني الله يسعدج يارب |
رد: شاركي معنا بمثل شعبي
بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه الطيبين المنتجبين rose^ دللولتي...كليبي أم شبورتي, شكو؟ شصار؟ شو صارت الحياة أسم الله معارك ...دخيلك ربي أسم الله الرحمن أن شاء الله ماكو غير السلامة وعلى قولة المثل الحمل على الاجاويد يعني الدنيا بخير مادام بيها من مثلك ولاتقلبيها إلنا محزنة وتسّويها علينا عزة.....هههههه على كولة حجي راضي تّذكريها عبّوسي وحجي راضي لو أنزّلها إلج بالمنتدى؟ أم شبورتي فدوة لأسمج الجديد...حليو:showimage_062::showimage_062: ويمكن أغيّره علمود لاتملّين... عيني عليكِ باغدة....لكنة أهل الموصل وتعني عيني عليكِ باردة هههههههه rose^ |
رد: شاركي معنا بمثل شعبي
اقتباس:
ههههههههههههههههههه حبيبتي حور اي فدوة نزلي مقاطع من مسلسل حجي راضي وخاصة من يقرا الرسالة والله مشتاقين لـ أمتي الفريزة هههههههههههه وليش تحجين مصلاوي خير ؟؟؟ الحمد لله موضوع الامثال هذا ونسنا وخلانا انسولف والله انا حالي هسة كما يقول المثل لو اعرف منو قال الامثال ابنيله قبة ومزار هههههههههههههه |
رد: شاركي معنا بمثل شعبي
بسم الله الرحمن الرحيم
بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه الطيبين المنتجبين rose^ حبيبتي أم شبوغتي الورد... كمت أحجي مصلاوي لين كاعد أفغ بغاسي وأقول ياربي هاي قبل شوية كلشي مابيها ليش هسا أنكلبت معاغك ههههههه يدللّو.... أم شبورتي الوردة هههههه بطلت مصلاوي من شفتج ضحكتِ وعلى أمرج قريباً أنّزلها أن شاء الله وفدوة إلج وألف رحمة على روح أبو الدكم (حجي راضي) وعلى قولة اللي كال الأمثال يرحم الله على أبو المثل , ماخلّة شي ماكالة يسلمو.... أكول عيوني جنج راح تسكنين المنتدى مثلي هههههه:showimage_062::showimage_062: ترة الله ال يعلم بالحال, وأحتمال تجي فترة وأغيب لأن ظروفي بعلم الغيب..بس إدعي لي ربي يخليج ويخلي أمثالج ومثل مايكول المثل العبرة مو بكثر السفن...العبرة بالعبارةrose11rose11 |
رد: شاركي معنا بمثل شعبي
حبيبتي حور الموضوع صار ونااااسة
بالحوار معكِ و جذبني ما احب اتركه ومثل ما قلتي بسبب الوحدة الي نعيشها بالحياة نلجأ الى هذا البيت الفاطمي ونسكنه يعني نهرب من الوحشة و الفراغ الي نعاني منها كما يقول المثل احنا ما ورانا شغلانه غير زيارة فلانه حبيبتي الله يحفظج ولا يحرمنا من تواجدج الحلو |
رد: شاركي معنا بمثل شعبي
بسم الله الرحمن الرحيم السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه الطيبين المنتجبين عودة ميمونة ومباركة للموضوع أن شاء الله أشتقنا لنفسك وروحك الطيبة العزيزة أم شبر :0154: وأشتقنا للموضوع البديع والمفيد, وحتى لانتحدد بزيارة أقسام محددة بالمنتدى وعلى قولة مثلج الأخير ماعندنا شغلانة غير زيارة فلانة فوددت الرجوع لهذا الموضوع الرائع ولطعم الحوار ولحكمة الأمثال معكِ ومع أخواتنا الطيبات....نكهة وطعم لا نستغنى عنه والمثل الذي تذكرته وودت طرحه هو; ألف عين لأجل عين تكرمون ويُضرب المثل في الحث والصبر على تحمل المشاق والصعاب وماقد تفترضه الظروف والأجواء وتقلبات الزمان من ضرورة وحكمة الأستمرار في عمل الخير للجميع وفي مواصلة الفرد لطيبه ومايجود به وأن كان هناك شخص واحد بعين ذاته من ذلك الجمع ...يُقدّر ويقيم عمله ويكافئه بالقدر المستطاع وقد يحمل معنى المثل محمل آخر ; في الأستعداد النفسي لخدمة ومعونة من لايعرفهم, بغية نيل رضا من يخصهم أمره والغرباء منه في قرابة أو مصلحة. بأنتظار أمثالج المفيدة والحلوة يا أختي العزيزة والغالية تحياتي ودعواتي ونسألكم الدعاء :0154: |
رد: شاركي معنا بمثل شعبي
وعليكم السلااااااااام ورحمة الله وبركاته
شنو هذا النووور !!!!! شفت الضوى من بعيد كلت احتركنا ... لمن وصلت المنتدى لن حور عدنا هههههه والله كان قلبنا ذايب بغيابج يالغالية كما يقول المثل اللي إله غايب قلبه ذايب الله يديم تواجدج معنا وتروين قلوبنا من حبر قلمج النوراني وتحياتي لكم ونسألكم الدعاء |
| الساعة الآن 10:04 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. TranZ By
Almuhajir