السلام عليكم شخباركم
قفوشة واجد عجيب الإسم
زهرة الربيع والبتولة شخباركم ظلوا زورونا على طول مو تقطعون

اهلين عيون شخبارش خيو

بغيت الباسورد مال تجمع المتاخرات عن الحمل ياريت تديزينه لي على الخاص خيوو

سلام شخباركم

سولفوا عاد قبل لا يهل عليي الشغل خاطري اهدر وياكم هلكنا هالشغل

بس خلاص ما احاجيكم

اهلين ام حمود شخبارش خيوو

اني اشتغل على المنتديات اول بعدين اروح الى الشغل وكاهو كل شووي يجي على راسي ولا اعطيهم ويه بعدين الشغل دوامي يبتدي عقب كم ساعة خخخ

ام احمود تقصدين امس فطوم مادري اش فيها قاب جسمها كله حرار وحتى منطقة الحفاظ كله بقع حمر وامس الصبح يقولون حمواتي انه من بعد ماشربت الحليب رجعت قلت يمكن برد دخل الى معدتها من جذي رجعت بس الحرار هو الي مخوفني للحين مادري هالحساسية من ويش تخيلي؟؟؟؟؟

يؤؤ ام حمود لا تزعلين كاني معااش

ياعلي بردانة شربت كوفي وكنت حدي جوعانة من شربته شبعت والحين اشرب شاي حليب حلووو

امس حمواتي سووا مقايضة تضحك

قالوا الى اخوهم طلبتك لا تردنا قال قوولوا بكرة تخلي السيارة الى ولد عمنا عشان يودينا المعهد للامتحان ويردنا من وقت عشان نقعد مع بناتك يعني شووف بنضرب ثلاثة في واحد مصلحتك ومصلحت ولد عمنا لانه هو بعد عنده امتحان ومصلحتنا خخخ ضحكت عليهم واليوم الصبح ماوعينا الا الساعة ست وعشر وخلاص مشووا عنه الشغل وطلع على عمري يدور احد يوصله الله يستر انجان مااخذ السيارة عنهم مساكين

وينش ام احمود يعني اني الي الحين بزعل منش هاااا

على عمري القمرة مو شي قارصنها ؟؟؟ في جهال جسمهم واجد يتحسس من القرص

‏أم فاتي زيزي, ‏أم حمود, ‏زهرة الربيع

يعني في احد وحاقريني لكن مااعليه

ام حمود لااا مااكل بيض مع طماط وكان طالع عليه البهاارت وايد حاولت انها ماتاكل منه ماارضت كانت تهبش بيدها ولا في الاخير شالت خبز وتسوي نفسنا انها تاكل ابه خخخ اتوقع منه لانه حتى اشيااءاتها صايرة كله نقط حمر

خخخخ عليهم سوالف حمواتش أم جعفرين عجبتني المقايضة

صح أكيد منه هو البيض إذا سبب حساسية تقب عدل

ظهري مقصوص عليي بتجيني الدورة ومن الحين ألمها اني اتوقعت اقعد الصبح ابها من فرارة أمس في الظهران بس هاكو بس المها وهي للحين صامدة

يوو رقوم الله يساعدش اكره شي هالدورة اووف منها

سمعي ويش اخذتي من الظهران خبرينا عن رحلتش وحملتي حمود او لا

ذكرتيني تصورش صح هي عبارتي بالضبط كفاية طول الدوام بعيدة عنه على الأقل اقعد وياه بقية اليوم ولو مت من التعب ، بس أبومحمد ما ترك لي مجال حطاني أمام الأمر الواقع جا أخذني وع الجسر مباشرة وقالي محمد قلت لأمي بنخليه عندها وهي أصلا ما كانت راضية نآخذه ومستكرهة روحتنا في المطر واجد كانت تحاتينا وخايفة علينا

المهم أخذت بامبرز 2 العملاق خخخخخخ أهم شيء سعره واجد فرق عن اهني ، أمزح المهم أخذت كوت جينز أسود دافي عدل مبطن بعشرة ريال وبرمودا زيتية بعد بعشرة وشورت جينز بــ 16 وبرمودا بيج كشوخي هم بــ 16 ريال هذا من bhc ومن ليدي بيرد أخذت بدلة برمودا وقميص وفانيلة بــ 35 وبدلة برمودا حمرا حلوة وتي شرت ب30 ريال وصندل صغنون عدل حلو ونعوم بـــ 15 ريال لبنت حماي

ومن فيل فري أخذت قميص كم طويل بس خلقه بارد وخفيف عدل عدل مقلم بماروني فاتح عدل بــ 19 ريال ، ومن جيان أخذت قميصين معاهم فانيلات عجبوني كشوخين الواحد بـــ 25 ريال وفانيلة حمرة كلش عجبتني أطرافها والكتابة زيتية وحمود عنده بنطلون زيتي نفس الدرجة بالضبط وأكياسه واطرافه تحت حمرة أخذت الفانيلة له مخصوص بــ 19 ريال ... اي تذكرت وأخذت فانيلتين صيفيين نعومين من ليدي بيرد بعد الوحدة بــ 15 ريال

وحسيت أني جدي تقريبا باللي عندي شبه كملت ثياب الصيف الأساسية لحمادة لأن خلاص ما عنده كبر على مال اللعام

ومن جيان مثل ما قلت أول أخذنا حفاظات لحمود وبنت عمه وقواطي حليب هم لبنت عمه لأن الفرق في سعر العلبة 4 ربيات ونص وشحنت ليي كاكوات وقبل تغذينا غذاء رومنسي مال مخطوبين خخخ " مسكين حمود على عمري " وبس الساعة 7 ونص احنا في شقتنا نتعشا

اتصدقين رغم اني اتنغصت على حمود عدل بس الصراحة راحة اخذت راحتي بدن حجايجه عدل وافتريت المجمع كامل واني خفيفة وعرفت اعسعس وانقي بدون عجلة وفوق هذا رجعنا من وقت

ماشاء الله مشتريات حلوة والاسعار احلى وصادقة اهم شي البامبز خخخخ

صوريهم وخليهم في قسم مشتريات الطفل يالله على السريع بكره ماتجين الا محملة الصور وتخلينهم لنااا اووكوا وخاطري اشوف البنطلون الزيتي احسه ستايل

بالعافية عليش المشتريات بس صراحة شوقتيني اشوف صور للاغراض

اني دايما اقول الى زوجي خلنا نشتري ثياب لهم من السعودية ماركة وفي نفس الوقت سعر حلوو بدال مانطلع بدلة بذيك الحسبةعللى االاقل اخذ لهم اشياءات وبسعر ولا احلى هني الاسعار الي قلتيهااا لاتوجد في قائمة حتى التخفيضات البحرينية

اني اتنغص عليهم بس في نفس الوقت اريح من الصياح الي ماله داعي وذكرتيني يمكن بالضبط صار لينا شهر ماطلعناهم مكان تخيلي

على عمري بنيااااااتي اهئ اهئ اهئ لا ام تقعد معاهم ولا ابووو صدق حمواتي مايقصرون عليهم بشي بس بعد الام غير

أوك طلباتك أوامر أوردي أني كنت مقررة اصورهم واحطهم بس ما كنت أدري أن في موضوع للمشتريات هني ... إن شاء الله الليل أشتغل تصور وترفيع

أم جعفرين على ذكر التخفيضات هني وهناك ذكرتيني بشغلة في bhc شفت أشياءات الظاهر صاير خطأ حاطين عليهم أول تسعيرة البحرين !!! بعدين على جنب السعودي وكان البحريني أقل !!! فأتوقع والعلم عند الله أن قريباً bhc هني بيسوون تخفيضات كبرى

شخباركم؟

توي خلصت الواجب

ما عليها شر فطوم

اكيد من البيض وديها الدكتور احسن و طمنيننا عليها,,

ام حمود

شخبارش ؟و شخبار حمود؟

ما شاء الله يبين مشترياتش كشخة

خاطرنا انشوفهم ننتظر الصور في ركن سوق الطفل

يوو طقع ابهم زوجي مساكين والحين هو يحاول انه الشغل يطلعونه عشان يوديهم المعهد

تسلمين والله ام حمود واذا السعر اخفض من السعودية يعني يابلاش

ام فاطمة اتوقع انه الي فيها من البهرات

يو على عمري مساكين وكلش ما عندهم أحد ثاني يوديهم ؟؟ أو هم خلاص راحوا بس على اللي يرجعهم من وقت ؟؟

اذا جدي اقطعي عنها البهارات

مسكينة ما يسوى عليها كم لقمة اكلت

يوم اتصل ليها كانه اتصل اتوقع بيروح يوديهم هو حصل واحد بيروح المعهد بس قال لهم مايسوى عليكم تروحوا من ستع والامتحان وحدة

والردة مابيتعطلون انشاء الله

بخليكم الحين

بروح استريح اشوي

مع السلامة

عدنااا والعود ولد عيون

الله يعطيش العافية ام فاطمة وانشاء الله ماتقعد الحين اتومة وتخرب نومتش

اهلا امهاات كيف حالكم ان شاء الله انتون وكتاكيتكم بخير

ماادري عرفتوني لو لا؟؟

اني بعد بروح عنكم شوي بسوي اشغااالي الي ماتخلص

اووه نسيت اخبركم امس قفظنا شووي وبعدهااا نيمنا اليهال ومن بعد ماناموا خميت الشقة وشلت الزل ونظفته واشفت اكووام الثياب شكلي اليوم بغسل لو غسالتي اوتوماتيك انشان شغلتها في الليل والصبح جاهزين يالله انشاء الله الاشهر الجاية باخذ لي لانه هي ماتصلح الى الموظفات على غسلتين اتم اربع ساعات مايسوى علي مع انه كلش على السريع اسويه مااتباطئ فيه بس هي تاخذ وقت

وبيت عمي عندهم جلسة كراسي مالها مكان شكلي باخذها وبنجدهااا كرسيين واحد ابو ثلاثة وواحد ابو نفر وعندي ثنين ابو نفرين شكلي كلهم بخلي عليهم مثل الخلق الي يبيعونه في جيان مؤقتاا عشان يصيرون متشابهين خخخ وبعدها بنشوف اما نسوي لينا جديدة اوو انه اشتري خلق واركبه عليهم

ريايحين يعني انتي معانا من قبل اكشفي الغطااا وخلينا نعرفك

اممم اتوقع

ملوكة!!!!!!!!

اممم يالله اظهري وباني وعليش الامان خخخ صراحة صدق ماعرفتش